Roland Colastica ta habri e eksposishon riba Emmabrùg – potrèt: Dick Drayer

Roland Colastica ta habri e eksposishon riba Emmabrùg – potrèt: Dick Drayer

WILLEMSTAD – Kòrsou tin un historia riku i un poblashon riku na variashon. Hende ku tabata biba aki kaba pero tambe hende ku a bin biba aki òf ku a haña nan fòrsá di biba aki.

 
Galeria Alma Blou den koperashon ku Arte ’99 ta tene dos eksposishon ku ke duna un kara na e ‘melting pot’ aki di famia i kultura ku ta representá Kòrsou awendia.

Dick Drayer a bishitá e eksposishonnan i a traha e siguiente reportahe

Swinging old lady
Lusette Verboom huntu ku Daisy Casimiri a tuma e inisiativa pa e eksposishon ‘Swinging Through History – Riba Kadansa di Historia’. E eksposishon aki ta keda na un lugá speshal: riba Emmabrug, ku – segun e artistanan – den boka di pueblo ta mihó konosí komo ‘the swinging old lady’.

 
Banda di esaki tin un eksposishon bou di guia di Daisy Casimiri den Renaissance Mall ku e nòmber Tula 2.0. Pasobra e promé vershon di e lider di esklavo di Kòrsou – segun e artistanan – no ta sirbi mas pa e tempu djawó.