Minister di Salubridat Públiko Edith Schippers – Potrèt: Pieter Hofmann

Minister di Salubridat Públiko Edith Schippers – Potrèt: Pieter Hofmann

DEN HAAG – Minister hulandes Edith Schippers di Salubridat Públiko, Bienestar i Deporte (VWS) ta laga hasi diferente investigashon den Hulanda Karibense.

Tambe ta palabrá si por introdusí fruta na skol pa e skolnan básiko. Esei Schippers a bisa awe durante un deliberashon den Tweede Kamer.


Investigashon di pueblo
Segun Schipper e kuidu di salubridat na Hulande Karibense ainda ta den e fase di konstrukshon. Na petishon di Hanke Bruins Slot (CDA) Schippers pa e presupuesto nobo na sèptèmber ta bini ku un skema di tempu general. Eiden tin pará ki dia lo hasi kua eksaminashon. Ta traha e skema huntu ku e islanan.

Despues di e eksaminashonna di pueblo mayoria bia ta sigui medida. Anteriormente por ehèmpel a introdusí e hielprik na Hulanda Karibense. Eksaminashon di kanser di matris i eksaminashonnan pa kanser di pechu i tripa aktualmente no ta ofresé komo standart.

Fruta na skol
Bruins Slot ta prekupá pa e kustumbernan di kome di e habitantenan di Hulanda Karibense. E ke sa si mucha ta haña fruta na skol. Schippers: “Ta importante pa e muchanan desayuná. Tin di nan no por, i ta p’esei e skolnan a tuma medida. Esei ta un paso promé ku fruta na skol, esta ku ta kome mes na skol.”
Pronto lo palabrá e tópiko si den e sektor di kuido na Islanan BES.

Seguro adishonal
Na Hulanda Karibense ta keda imposibel pa tuma un seguro médiko adishonal privá. Schippers no por fòrsa e kompanianan di seguro, parti de e merkado privá, pa aseptá kliente di Hulanda Karibense. “Si bo ke sigurá algu, mester ta den e pakete básiko, pasobra nos no ta trata ku seguro adishonal”, e minister ta bisa. E pakete básiko na Hulanda Karibense pa e motibu aki ta poko mas amplio ku na e parti oropeo.

Prima di gastunan di enfermedat
Aña pasá no a subi e primanan di gastu médiko. P’ései ora a pasa e gastunan nan a bini na enkargo di VWS. Schippers ta enfatisá ku VWS no ta paga e gastunan aki numa, pero ta wak krítikamente kon e pasamentu di bùdjèt aki a tuma lugá. “Último añanan nos a mira pasamentu di bùdjèt grandi, pero esakinan tabatin tur kos di hasi ku e konstrukshonnan despues di 10-10-’10. E tempu ei no tabatin bon bista riba e gastunan i riba tur kos ku nos a haña nos kuné. Awor si.”

E chèns di oumento di prima ta chikí. For di 2015 no a surpasá e gastunan mas.

Outor Pieter Hofmann