Di robes pa drechi: Franklin Meyers, Theo Heyliger, William Marlin i Silveria Jacobs ku e akuerdo entre e dos partidonan – potrèt: todaysxm.com
PHILIPSBURG – E promé intenshon pa sigui ku e koalishon ku tabatei kaba despues di e elekshonnan di djaluna a kibra riba e eksigensianan di Frans Richardson, lider di partido United Sint Maarten (USp)
Lider di National Alliance (NA) William Marlin e ora ei a firma un palabrashon ku Theo Heyliger su partido United People’s (UP). E koalishon aki tin dies asiento den e parlamento nobo.
Pòrtfolionan
NA ta trese e promé minister (William Marlin) i e ministernan di Finansa (Richard Gibson), Enseñansa (Silveria Jacons) i Bibienda Públiko (Rodolphe Samuel.
UP ta trese e ministernan di Turismo i Asuntunan Ekonómiko (probablemente May-Ling Chun), Hustisia (probablemente Roland Duncan) i Salubridat Públiko (Dr. Lloyd Richardson òf Cornelius de Weever i minister plenipotensiario (Josianne Artsen) i e presidente di parlamento (probablemente Jules James)
Asko
E koalishon ta konstruí riba asko kontra USp, kaminda ‘traidonan’ Silvio Matser i Maurice Lake a bai hospedá. E èks minister di Salubridat Públiko Maria Bunkamper-Molanus, ku dos aña pasá ainda tabata riba lista di UP, awor tambe ta serka USp. Matser i Buncamper-Molanus tin sentensia hudisial penal riba nan nòmber, pero tòg Matser ta bini bèk komo number tres di USp den parlamento.
Kiebro chikí
Ya kaba por mira un kiebro chikí den e koalishon; E parlamentario di NA Christophe Emmanuel ta malkontentu pasobra no e, sino Samuel a bira minister di Bibienda Públiko. E no ke koperá ku UP, pero e no a anunsiá ainda ku e lo deklará su mes independiente. Sin Emmanuel e koalishon di NA-UP ta mantené un mayoria di 9-6 den e parlamento nobo.
Outor Hilbert Haar