ORANJESTAD – Ku 274 voto na Kòrsou i 112 voto na Aruba VVD a bira e partido di mas grandi na e islanan aki. Na Sint Maarten D66 a skor mas mihó, ku 42 voto. Pa tres or ora lokal e urnanan a sera na e ofisinanan di Represententashon di Hulanda na e tres islanan.
Na Aruba meskos ku na Hulanda e asistensia tabata haltu. 487 siudadano hulandes a entregá un biyete di vota. Na 2012 tabata 320, di kua 315 tabata bálido.
Ta konta e votonan den e sala di reunion di VNO na Oranjestad. Potrèt: Ariën Rasmijn
D66 na Aruba ta e di dos partido di mas grandi ku 101 voto. CDA i GroenLinks tur dos a haña 61 voto i PVV 44. PvdA na Aruba no a yega mas leu ku 24 voto. No a konta voto blanku òf imbálido na Aruba.
Sint Maarten
Na Sint Maarten a parti solamente 167 biyete di vota. Na final 151 votado a vota. Na 2012 tabata 123. Despues di D66, VVD a haña mas tantu voto n Sint Maarten, 31, siguí pa GroenLinks (21) i PvdA (18). E sobrá partidonan tur a haña ménos ku 10 voto.
Kòrsou
Na Kòrsou tambe VVD por a konta ku e votadó i a haña 274 voto, D66 ta sigui ku 204, despues CDA ku 80, PvdA a haña 75 i PVV 68. A entregá 920 biyete di vota na Kòrsou, 901 votadó a vota bálido