DEN HAAG – E famianan di Mitch Henriquez ta eksihí pa divulgá tur e nòmbernan di e sinku polisnan sospechoso ku tabata envolví den e aresto fatal di e turista arubano na 2015. Djabièrnè lo tene un kaso di urgensha tokante esaki na korte.
Segun abogado Richard Korver e kaso penal di kontenido tin chèns di bira ‘un proseso di spiritu’. E famianan ke fòrsa pa divulgá e nòmbernan, pa asina nan abogado por hasi ‘investigashon drechi’ di e polisnan i nan pasado.
No opstante e protesta di e parientenan di e defuntu, Hustisia ke pa e polisnan envolví keda mas tantu posibel anónimo, tambe den tur e failnan di e kaso penal, pasobra e seguridat di e polisnan i nan famia ta na peliger. P’esei korte ta tapa nan kompletamente i ta kambia nan bosnan.
E parientenan di e defuntu, fini bisá ta haña e kos ‘masha fèrfelu’ ku ta nan mester hasi tur kos pa haña un ‘proseso drechi’. “Si ni sikiera bo no por kontrolá si ta esun ku a kometé e málkomportashon ta e mésun ku ta sintá dilanti wes, e kos ta bira un kansansio si”, segun e abogado di e famia.
Mitch Henriquez a fayesé na yüni di 2015 di violensia ekstremo di parti di polis ora nan a arest’é. Potrèt: Facebook
Trato di kontenido
Hustisia a disidí pa persiguí solamente dos di e sinku polisnan. Fin di mart korte lo laga sa si ainda lo pèrsiguí e tres otro polisnan tambe.
Riba 6 di aprel e trato riba kontenido di e kaso ta kuminsá i a reservá sinku dia p’esaki. Ta e intenshon ku korte lo sentensia riba 9 di mei.