ORANJESTAD – Un candela grandi den un dump ilegal na Tamarijn ta causando asina tanto molester cu bisiñanan no por ni drenta nan cas.
Un huma pisa a tapa henter e bisindario, yegando te na otro barionan. Bisiñanan di e dump na unda – segun yiu di e propietario – companianan ta deposita palo, beton, mata y desperdicio di construccion a haya nan mes buscando otro lugar pa drumi, ya cu brandweer no ta premira cu e huma lo kita pa e proximo dianan.
Un reportahe di Ariën Rasmijn
E dump di Tamarij ta existi pa casi 20 aña caba y tabatin diferente biaha cu bisiñanan a purba di para uzo di dje, sin exito. Nan ta bisa cu tin asbest y tankinan bieu di as dera den e dump. Yiu di e propietario sinembargo ta desmenti esaki. E ta bisa cu e buraco di e dump ta casi completamente tapa caba y cu e intencion ta pa e bira un parke of veld di futbol.
E dump di Tamarijn na candela. Foto: Ariën Rasmijn