Portrèt: John Samson

DEN HAAG – Hulanda ke intervení atrobe den gobièrnu outónomo di un di e paisnan karibense. Konseho di Minister di Reino ke fòrsa Sint Maarten di ehekutá un asina yamá kámara di integridat. Konseho di Minister di Reino. Pa esaki Konseho di Minister a tuma un Medida General di Maneho di Reino (instrukshon). Dòktornan di Lei ta prekupá pa e trènt ku Den Haag ta pone di duna ‘instrukshon’.

Ora minister hulandes disidí di imponé algu riba Aruba, Kòrsou òf Sint maarten, e islanan outónomo apénas por defendé nan mes. E katedrátikonan Paul Bovend’Eert i Gerhard Hoogers (Universidat Radboud di Nijmegen) ta papia di un trènt preokupante.

Kontrali na e paisnan outónomo karibense, munispionan si por apelá e intervenshon di gobièrnu hulandes serka un instansha neutral: e wes gubernamental.

Trata korupshon
Hulanda ke pa Sint Maarten mes trata e korupshon gubernamental riba e isla ku firmesa, pa medio di lantamentu di un kámara di integridat mas lihé posibel. Esaki mester hasi investigashon independiente di kastigabilidat di siudadano individual i organisashonnan. Pero Korte Konstitushonal, ku ta komprobá legislashon na konstitushon di Sint Maarten, aña pasá a deskartá e lei: derechonan fundamental di personanan i organisashonnan no ta haña sufisiente protekshon. Sint Maarten ke adaptá e lei i ta bisa ku nan tin mester di mas tempu p’esaki.

‘Hamas i nunka’
“Na Hulanda un kámara di integridat lo no por bini hamas i nunka”, e katedrátiko Gerhard Hoogers (derecho di estado) ta reakshoná. “Basikamente ta asina ku e kámara di integridat ta fòrsa hende di koperá nan nan mes kondena. Ku e instrukshon Hulanda ta fòrs Sint Maarten di aktua kontra su mes areglo estatal. Na Hulanda nos no ta bisa tampoko : si e krímen ta sufisientemente grave, nos ta djis buta e derechonan un banda?”

Promé minister William Marlin djárason a bula pa Hulanda pa konvensé minister Plasterk di no ofresé e ‘instrukshon’ na Konseho di Minister di Reino. Esaki no a logra. Segun promé minister Marlin no t’asina ku e situashon na Sint Maarten ta asina insoportabel pa hustifiká un intervenshon na e isla outónomo: “Sint Maarten tin sufisiente institushon propio, regla i medio den su mannan.”

Segun proferor Bovend’Eerd ta bira tempu pa e islanan haña derechi di apelá e tipo di desishonnan asina. “E mihó ta un instansha independiente hudisial manera Korte Supremo, ku ta husga si Gobièrnu di Reino ta hasi uso na e manera apropiá di su outorisashon pa intervení den gobièrnu di e pais.