Portrèt: John Samson

6 July 2017 | John Samson

DEN HAAG – Hulanda ta kumpli masha malu ku derecho di mucha den e tres munisipionan karibense, asina Defensor di Mucha ta avisá. E kalidat di enseñansa ta ‘muchu abou’ i pobresa ta kousa diferente problema.

Esaki ta e konklushon di Margrit Kalverboer a base di un investigashon bou di sigur 450 mucha na e islanan. Djárason a sali un rapòrt ekstenso tokante di esaki.
Mayoria mucha ta bisa ku nan ta sinti nan mes felis, ma nan ta indiká algun asuntu prekupante tambe. Pa motibu di pobresa hopi mucha no ta haña atenshon na kas. Ta dal nan i tin bia nan no por bai skol pasobra nan no tin transpòrt.

Fèrfelá
Hóbennan en general ta bisa ku no tin masha kos di hasi na e islanan. Nan ta haña e kalidat di enseñansa muchu abou i nan ta bisa ku tin muchu tiki posibilidat pa sigui siña. Un situashon prekupante, Defensor di Mucha ta bisa. Nan ta hasi muchu poko uso di nan propio kapasidatnan. Hopi talento ta bai pèrdí.”

Midi ku dos midí
E muchanan na Hulanda Karibense riba papel tin e mésun derechinan ku mucha na Hulanda oropeo. “pero den práktika nos ta mira ku e límite pa mucha na Hulanda Karibense ta mas abou. Nos ta midi ku dos midí. “Esaki no por i no ta pèrmití”, Kalverboer ta bisa.

Positivo
Tòg e muchanan na tres islanan ta pará positivamente den bida. Nan ta kontentu ku nan famia. Na Boneiru nan ta duna nan bida un promedio di 8.4, na Saba un 7.9 i na Sint Eustatius un 7.6. Relativamente mirá e muchanan na e islanan ta bisa ku nan ta mas felis ku na Hulanda (7.4).

Konklushonnan remarkabel di e rapòrt:
  • Pobresa: hóbennan ta indiká ku pobresa ta trese hopi problema na kas. Nan ta pensa ku nan mayornan ta bha nan problemanan ku sèn riba nan, por ehèmpel nan ta dal nan.’
  • Abusu seksual: na Sint Eustatius ta remarkabel kuantu ta papia di ‘kondukta seksual ku ta pasa límité’ di adulto ku prinsipalmente mucha muhé i tambe entre hóben. Na Boneiru tin prekupashon pa prostitushon bou di mucha muhé.
  • Edukashon severo: mayornan i otro famianan ta duna ‘edukashon severo’. Tin hopi zundramentu i ta dal muchu hopi.
  • Muchu poko rèspèt: Mayornan i dosentenan segun e muchanan tin muchu poko rèspèt pa nan i nan no ta skucha mucha bon, pasobra nan tin idea moda bieu tokante edukashon.’
  • ‘Mayornan ta traha muchu hopi’, sino nan no tin sufisiente entrada. Na tur isla e muchanan ta bisa ku ta p’esei e mayornan tin poko atenshon pa nan.
  • Tentamentu: na tur isla e muchanan ta bisa ku apénas e dosentenan ta aktua den kaso di tentamentu. “Jefrou sa si ma e no ta hasi nada.”
  • Transporte: Na Boneiru i Sint Eustatius no ti transporte públiko, i asina baimentu di skol por ta un problema. Na Boneiru asta e muchanan ta keda kas.