Pòrtrèt: Leoni Leidel-Schenk

WILLEMSTAD – “No ta tene kuenta ku mi interesnan, solamente ku Hulanda i nan prioridatnan. Mi tin un aña kaba ta warda. No tin sentido pa duna mi relato aworakí”, segun Emsley Tromp riba e di dos dia di e seshon di preparashon di e kaso Saffier. Presidente di Banko Sentral di Kòrsou i Sint Maarten (CBCS), ku ta riba nòn aktif, ta sospechoso di froude di belasten i labamentu di plaka privá

Tromp su abogado Niels van der Laan a pidi wes Tjarda van der Spoel ayera pa deklará ministerio públiko no reseptivo, pero wes ta haña ku mester investigá e kaso mas aleu.“Pa deklará e kaso a ki sin fondo no por sin investigashon mas aleu i un deklarashon di e sospechoso”, segun e wes.

Tromp lo a pasa plaka pa fondonan di penshun privá. OM ta kalkulá e ‘daño’ ku Kòrsou a sufri ku esaki riba 5.5 mion florin.

Segun Tromp i su defensa ta trata di un ‘persekushon polítiko’, ku Hulanda a instigá. E Tim Kombatimentu di investigashon (TBO) ta hasi e investigashon Saffier, ku Hulanda a pone 22 mion disponibel p’e. E meta di TBO ta investigashon riba eskala grandi di e konekshon di e baho mundu i e mundu legítimo na Kòrsou i Sint Maarten.

Lo trata espesialmente di un ‘diferensha di opinion fiskal’ i no di froude di belasten, e abogado Niels van der Laan djamars a bisa den e promé dia di e seshon di preparashon. Segun e abogado di Tromp ‘mayan por paga un eventual diferensha di belasten mésora’.

Notisianan den media
Den media lokal a sali notisianan anteriormente tokante e finansanan privá di Tromp. Asina e lo a duna un fiansa di 2 mion florin sin bòrg na e kompania di paña di su amiga di e tempu ei. Un parti di e suma aki, 400.000 mil florin lo a pasa pa su mes fondo di penshun.

E defensa ker a deklará OM no reseptivo paso e investigashon di Tromp a kuminsá ‘solamente a base di notisianan den media’ i pasobra OM ‘a tene fisko pafó di e investigashon’. Fiskal Henk van der Werff ta nenga esaki. “OM ta traha pa pais Kòrsou i no pa Hulanda.” E argumento ku mester deklará OM no reseptivo pasobra a start e investigashon a base di notisianan den media, tampoko Van der Werff no ta haña bálido: ‘Pakiko nò, si e notisianan aki ta bon dokumentá?’

Den zomer di 2016 tambe Tromp a haña mal nòmber despues di publikashonnan den Financieel Dagblad. E korant a mira un rapòrt sekreto di Nederlandse Bank. Ei lo a sali ku a sakeá Ennia bou di supervishon di Banko Sentral, ku for di 1991 ta bou di mando di Tromp. Den un rueda di prensa ku a tene espesialmente p’e Tromp a bisa ku ta un kampaña di difamashon di su persona.

E trato di kontenido di e kaso ta 26 i 27 di òktober