Pòrtrèt: Defensa

DEN HAAG/WILLEMSTAD – “Nos ta tene kuenta ku masha hopi miseria i masha hopi forma di daño”, komandante di Forsanan Marítimo Peter Jan de Vin (Área Karibense) ta bisa. Entretantu promé ku e orkan Irma yega na Saba, Sint Eustatius i Sint Maarten ya kaba a pone 145 militar i trahadó di Defensa. Djárason tin mas sosten militar ta sigui. Por lo pronto Defensa ta manda 300 persona pa e tres partinan karibense di Reino.

E islanan sa pidi sosten militar mas bia ora tin menasa di un orkan. E bia aki e sosten ta mas grandi ku normal. Ora e orkan kaba di pasa djárason, anochi lo yega mas material, militar i enfermero na e tres islanan. Den anochi un barku di karga i un barku di stashon tambe lo yega ku dos helikòpter i boto di rùber ku ta nabegá lihé. “A base di e indikashon ku ta berdaderamente un orkan pisá, nos a adaptá basta lihé.”

E militarnan lo yuda ku òrdu públiko, inventarisashon di e daño i pa pèrkurá pa lugá pa e habitantenan por skonde.

E sosten militar por lo pronto lo ta na vigor te ku djadumingu. “Awor nos ta konta ku lo mas pió, pero naturalmente nos ta spera ku tur kos lo sali mihó di loke a pensa”, segun komandante De Vin. “Na e momentu aki ta difísil pa kalkulá, pero si djaweps òf djabièrnè nos yega na e konklushon ku e sosten no ta nesesario mas, e outoridatnan lo hasi e petishon ei tambe.”

Marinirnan na Saba pará na nan lugá

A hasi yamada: PELI pa Islariba pa sosten. Preparashonnan ta aden: deliberashon, check Servisionan Tékniko i kargamentu di vehíkulo i produkto.

Puesto di komando na Sint Maarten up and running. Aki tambe tur hende ta preparando pa pasamentu i kordinashon di sosten.

Wardakosta tambe ta hasi su preparashonnan pa despues di e pasamentu duna sosten mésora.

KNMI mayan meinta ora lokal ta ferwagt e velosidat di bientu di mas haltu, posibemente di 250 kilometer pa ora, hopi áwaseru i ola haltu enter 7 i 8 meter.