HILVERSUM – Famianan na Hulanda i Merka for di awenochi ta wardando desesperadamente riba e promé señalnan di bida for di Sint Maarten, Saba i Sint Eustatius. Tur komunikashon di telefon riba e islanan a para.
Groningen
Na Groningen Nataly (26) studiante di Saba, ta warda desesperadamente te ora telefon ei traha atrobe. E tin miedu ku su tawela, ku tin nobenta i piku aña, a disidí di bai su kas di palu bèk. Djis promé ku orkan ta delaster bia ku el a tende algu di e situashon na su isla.
Tòg awe Nataly a trata di bai kolegio, “kasi mi no por konsentrá awe. Mi no sa yora kasi nunka. Pero despues di tantu silensio bo no sa kiko ta eksistí ainda.” Na Saba den e promé ráfaganan di orkan Irma koriente a bai.
Amsterdam
Mel (28) ta bini di Sint Maarten i ta biba na Amsterdam. “Ta e anochi di mas teribel di mi bida. E silensio ku mi ta tende ora mi trata di yama mi mama na telefon ta insoportabel”. For di ayera nochi e no tabatin kontakto mas ku su famia. Finalmente el a pega soño riba sofá, pasobra e no ker a ‘stroba’ su amiga ku su prekupashonnan i fèrdrit.
New Orleans
Patrick tin famia na Sint Maarten i e mes tin dos aña ta biba na New Orleans, Estádos Unídos. For di djamars e ta sinta nònstòp tras di su laptop riba sofá. E ta trata di alkansá famia i amigunan miéntras ku e ta mira potrèt ‘spantoso’ riba Facebook.
Patrick huntu ku su amigunan ta lantando un ret na Sint Maarten i e otro islanan pa trese famianan den kontakto ku otro atrobe. “Tin hopi hende ta pone yamada riba social media.”