Portrèt: Defensa

DEN HAAG – Gobièrnu di Sint Maarten ‘ku masha trabou por ehekutá su tareanan’, pasobra komunikashon i konekshon di telefon riba e isla kasi no ta traha mas. E situashon ta ‘masha serio’ , promé minister Mark Rutte djabièrnè a bisa den un konferensha di prensa.

E pregunta ta si, anto ki ora, e promé minister di Sint Maarten William Marlin por alkansá su mes ministernan pa tuma akshon mas aleu.Awor gobièrnu hulandes banda di sosten militar ke duna sosten gubernamental tambe na Sint Maarten, asina Rutte a bisa.

“Aktualmente ta asta imposibel pa pa djis buska kontakto ku promé minister di Sint Maarten”, promé minister Rutte ta bisa. “Nos tin mihó bista riba e echonan ku ayera, pero naturalmente ainda esaki ta limitá pa motibu di e komunikashon defisiente.”

“Tanten ku no tin komunikashon, bon mirá no tin un gobièrnu públiko ku ta funshoná bon”, segun Plasterk. Promé minister a bisa mi: mi ke sa ku ken mi mester papia si mi ke sa si algu por, òf mester, sosodé. Ku ken na e banda hulandes di e isla mi mester papia? Mester drecha esaki.” Minister Plasterk mas lat awe lo deliberá ku e promé minister di Sint Maarten kiko eksaktamente e papel gubernamental di Hulanda lo bira na Sint Maarten.

Ayudo di ousilio pa 40 mil hende
E trupanan militar di ousilio a logra habri e haf i e aeropuerto ‘pa metanan militar’. Awor e prioridat riba e isla ta pa duna ousilio: pèrkurá pa 40 mil i piku habitante den e dianan binidero haña ‘kuminda, awa i seguridat’.

Dash di Wardakosta ta baha na Sint Maarten. Por usa e aeropuerto i esei ta bon notisia. Solamente den dia i ku avion militar.

Víktimanan
Djaweps gobièrnu hulandes a anunsiá ofishalmente ku tabatin un morto i diferente hende heridá. Promé minister Rutte djabièrnè no por a bisa mashá di e kantidat di mortonan. “Mi no ke spekulá tokante esaki. Nos ta bisa loke nos sa”, segun Rutte.

Orkan José na kaminda
Irma ta e orkan di mas fuerte ku a yega di pasa riba e islanan. Despues di e destrukshon di orkan Irma, tin un orkan nobo, por lo pronto ménos fuerte, ku ta manera bini den direkshon di e islanan: José. E famianan na Hulanda ta puntra nan mes si e hendenan na e isla ta na altura di esaki. I si por evakuá hende for di e region aki. Segun promé minister Rutte ‘un evakuashon no ta posibel’.

E militarnan riba e tres islanan por lo pronto lo keda ei. “Nos ta wak di un ora pa otro kon e situashon ta ei i si tin sufisiente shèlter na e isla.”

Marechaussee i marinir ta yuda mantené òrdu públiko na Sint Maarten

‘Nos no por a premirá esaki?’
Durante e konferensha di prensa e pregunta a surgi si no a supestimá e konsekuenshanan di orkan Irma kuminsamentu di e siman aki. Promé minister Rutte ‘no ke husga’, el a bisa djabièrnè. “Pasobra mi ta mira ku tur hende ta hasi lo imposibel den un situashon imposibel. Ademas ta un situashon peligroso. Pa baha riba un pista kaminda avionnan sivil no por baha, no ta sin riesgo tampoko pa militar. E militarnan ta den e límitenan di loke ta posibel.”

Hulanda a manda shen hende padilanti pa duna sosten pasobra nos tabata sa ku e orkan ta bai ta masha grandi. Pero un haf i un aeropuerto ku a sera kompletamente for di sobrá di mundu, esei bo no por prepará p’e. Bo no por konstruí un aeropuerto nobo delantá”, asina Rutte a bisa.