WILLEMSTAD – Defensa di Pastor Orlando B. ku den korte di promé instansha a risibí 9 aña di kastigu pa abusu seksual di mucha muhé i hende muhé, ta insistí pa ekspertonan investigá tur e denunsionan ku tin kontra di e akusado.
Orlando B. tabata e fundadó i lider di e iglesia Rains of Blessing, kaminda e tabata abusa seksualmente di mucha muhé komo parti di ‘eksorsismo’, segun Ministerio Públiko (OM).
Natacha Harlequin, e abogado hulandes di B.: “E kaso aki ta masha grandi i kompliká. P’esei mester pone e kontenido di henter e fail na disposishon di ekspertonan.” B. su defensa – ku banda di Harlequin ta konsistí tambe di e abogado lokal Alicia Blonk – entretantu a entregá un petishon pa hiba e kaso Korte Komun di Hustisia.
Ekspertonan di moral
E abogado ta haña ku OM no a pone atenshon na tur detaye di e kaso B. Segun e abogado OM komo e partido di proseso i lider di e investigashon ‘no ta ophetivo’. P’esei Harlequin ta rekomendá pa na Kòrsou duna ekspertonan di moral palabra durante e proseso, promé ku wes yega na un huisio. “Nan por indiká ophetivamente kua sirkunstanshanan por a influenshá e kehonan.”
Segun Harlequin e sentensia ta masha kompliká. Mi no sa si e Yunan di Kòrsou a tende solamente e vershon kòrtiku di e sentensia. Esaki a referí na e vershon largu. Den e sentensia ei ta klarifiká hopi.”
Abogado Natacha Harlequin. Potrèt Dulce Koopman
Abogado femenino
No ta straño ku Harlequin komo abogado femenino ta aktua komo abogado den un kaso grandi di abusu seksual di hende muhé? “Mi ta komprondé e pregunta, pero un abogado ta djis parti di e proseso di kastigu. Komo abogado mi ta duna asistensia na mi kliente i mi tarea ta pa guia. Ni mas ni ménos. E echo ku mi ta hende muhé no ta importante pa e kliente. Meskos ku pa mi no ta importante si mi kliente ta un hòmber òf un muhé. Nos no tin un relashon personal. Riba e tereno profeshonal si mi tin un kontakto masha bon i naturalmente ora mi ta pará riba e trapinan di sala di korte, ta ami ta e kara di e defensa.”
Norman Serphos ta papia ku Dulce Koopman
OM sí ta haña ku durante di e trato di e kaso aki a trata tur detaye. Bosero di OM Norman Serphos ta asombrá pa e reakshonnan lat di abogado Harlequin. E ta referí e defensa na e seshon di preparashon di e kaso den apelashon, dia 23 di novèmber binidero, pa ekspresá su deseonan ei. “Mi no a tende señora Harlequin papia anteriormente di un tim multidisiplinario òf di eksperto. E por a hasi esaki na e seshon di preparashon, i tambe e por a hasi esaki atrobe durante trato di e kaso.