BISJKEK – Dos ruman hòmber arubano ta trata di yega Singapore, e destinashon di nan soñonan, na un manera masha spesial. Nan tin 7 mil kilometer di bai ainda, riba baiskel, for di Den Haag.
Nan promé baiskel Jaillen (34) i William (24) a haña serka nan mayornan na Aruba tempu ku nan tabatin mas o ménos kuater aña. Tur dia por a mira e rumannan, ku te ainda ta inseparabel, riba nan baiskel den e bario arubano Tanki Leendert.
Na aprel di e aña aki e rumannan Laclé a sali for di Den Haag ku solamente nan mochila i nan baiskel. Entretantu nan a progresá 14 mil kilometer i nan a mira13 pais. E meta ta pa na final yega Singapore. Pakiko? “Masha simpel, nos ke biaha di bèrdè mes, mira kos bunita i topa hende”, Jaillen ta splika.
Willem su ekipahe. No mas ku 3 djòki pa persona -Potrèt: Laclé Brothers
Orguyo arubano
E echo ku e rumannan Laclé a nase na Aruba ta hunga un papel grandi den nan biahe riba baiskel. “Niun arubano no ta hasi un kos asina”, nan ta bisa. “Nos ta push otro. Nos ke prueba ku nos tambe por”, Willem ta bisa.
Iran, Slovenia, Kirgistan,. Unda ku e rumannan yega ta puntra nan: ‘di unda boso ta bini?’. “P’esei nos a siña den tur idioma kon mester bisa ‘isla karibense’. Esei ta yuda pasobra no ta tur hende konosé Aruba.”
Entretantu e rumannan Laclé i nan bandera arubano ta inseparabel – Potrèt: Laclé Brothers
Loke tabata falta hopi tempu ta e bandera arubano. Ta te na Hungria nan a haña unu ora nan mama a bin bishitá nan ei. “Na Turkia porfin nos a topa ku un negoshi di baiskel pa kumpra un pal’i bandera pa e bandera.”
Sentenar di ora di sia
E rumannan no ta wòri ku e kantidat di kilometer te Singapore. “Tin dia nos por kore 140 kilometer. I si e kaminda ta hopi malu, 26 kilometer so.” Jaillen ta preferá di no menta ‘kilometer’. “Mi ta preferá di papia di ‘oranan riba sia’, Jaillen ta bisa. “Pa dia esaki ta un sinku te seis ora riba baiskel (mas o ménos 60 kilometer).”
Kampfür ku pupu di buriku
Kiko ta e mas remarkabel durante nan gira hopi luna? Te awor ‘e amabilidat di e hendenan di Iran’, e rumannan ta bisa. “Ta imposibel pa kamper den mondi na Iran, simplemente e hendenan nan no ta lagá bo hasi esaki. Bo mester keda na kas serka un di nan”, William ta konta. Esei si tabata un kambio di kultura.”
Tambe durante nan biahe e rumannan a topa un pareha aleman, ku ken nan a kore huntu algun dia. “Na un dado momento huntu nos a hasi un kampfür ku pupu di buriku i baka. Ata nos tur sinta ei awó ta toka kitara i ta kanta.”
E regalo di mas grandi: “mira galaksia tur anochi”- Potrèt: Laclé Brothers
Polis di frontera i temperaturanan ekstremo
Banda di e bentahanan di nan biahe tin desbentaha tambe. “Na Servia nos a haña hopi problema ku polis di frontera. Na Iran i Uzbekistan nos a haña nos ku un kalor imenso”, Jaillen ta konta
Banda di kalor ekstremo tabatin falta di awa tambe i friu ekstremo. “Na Pamir (Tajikistan) meinta tabatin un temperatura di -10. Despues di Tajikistan Willem no por a kore su baiskel mas. E tabata kompletamente demolí.”
Habrimentu di barika
E rumannan Laclé mas tantu posibel ta trata di evitá riesgo, pero nan no por a evitá e riesgo di habrimentu di barika. “Na Tajikistan mi tabatin diarea tres siman largu,na Iran un siman i aktualmente tambe”, Willem ta konta bou di harimentu.
E rumannan Laclé ta spera di yega Singapore banda di mart. “”Nos no por bisa eksaktamente ainda ki dia. Tur kos ta dependé di e sirkunstanshanan.”