Pòrtrèt: Nibud Rapport

KRALENDIJK – Instanshanan supsidiá na Boneiru a haña un sorpresa masha desagradabel di un intenshon pa un ekonomisashon enorme riba nan bùdjèt di 2018. Kolegio Ehekutivo a inkorporá e ekonomisashon den e konsepto di presupuesto ku djamars lo trata den reunion di Konseho Insular.

Fundashon pa Kas i e Sentro pa Hubentut i Famia (CJG) ta protestá impetuosamente kontra e ekonomisashonnan, ku lo afektá espesialmente e famianan vulnerabel.

E ekonomisashon intenshoná a sali e siman aki pa medio di e konseho di e Kolegio di supervishon finansiero (Cft) riba e konsepto di presupuesto. Sin duna komentario Cft ta establesé ku a planeá un redukshon promedio di 16.6 porshento riba supsidio. E ora ei alarma a bati serka hopi diferente partido.

“Paisnan rònt di nos masha tempu a mustra kiko ta e daño humanitario di un maneho asina”

Direktornan Ben Oleana di FCB i Chris Palm di CJG ta alertá den karta na konseho insular i Kolegio Ehekutivo pa problema grandi. Palm: “E ekonomisashon ta toka e famianan vulnerabel riba diferente aspekto pareu ku e kombinashon di rebaho riba kas popular, ayudo sosial, enseñansa di un di dos oportunidat,paketenan di kuminda i akohida di mucha. E paisnan rònt di nos a mustra masha tempu kaba kiko ta e daño humanitario di un maneho asina.

Derecho di mucha na peliger
Ku ekonomisashon riba loke Palm ta yama kuido leve, e gastunan di gobièrnu lo subi serka hustisia, kuido di adikshon, protekshon di mucha i salubridat. I e ta mustra riba e palabrashon ku tin ku Reino pa traha riba derechonan di mucha: “E ekonomisashon aki lo hasi difísil pa pretendé ku komo munisipio ekstraordinario nos ta logra respetá derechonan di mucha.”

No tin sinkronisashon
Palm i direktor di FCB Oleana ta haña ku ta malu ku ainda no tabatin sinkronisashon ku e fundashonnan. Oleana ta skibi ku riba 2 di novèmber mes el a duna un presentashon na Konseho Ehekutivo tokante un kontribushon èkstra di 200.000 dòler, miéntras e konsepto di presupuesto ku e ekonomisashon di di 93.000 dòler tabata kla kaba. “No a menta niun ora so ku tabatin un ekonomisashon ta bini.”

“Famianan ta sobra 200 te 300 dòler so pa luna pa biba di dje”

E falta di e kontribushon èktra, ku FCB lo no por paga mas manera ántes for di su mes fondonan, i e ekonomisashon, lo pone ku FCB kasi lo no por duna supsidio d hür mas. Famianan ku tin solamente ònderstant i soltero ku AOV aworó lo gasta mas ku mitar di nan plaka, ku ta bou di e mínimo di eksistensia kaba, na hür. Nan lo sobra 200 te 300 dòler so pa biba di dje. E ekonomisashon intenshoná na final lo produsí solamente pèrdèdó”, segun Oleana.

Plannan asosial
E partido di oposishon MPB ta yama e plannan asosial. Lider di e partido Elvis Tjin Asjoe ta haña tambe ku e ekonomisashon di 400.000 dòler na ofisina di turismo TCB (riba un presupuesto na 2017 di 1.9 mion) ta un mal kos, pasobra esaki por ta un sla duru pa un ekonomia ku ta funshoná espesialmente riba turismo. “Ta manera e gobernashon di simia (lema di e programa di koalishon ta ‘simia di speransa’, red.) no ke laga nada krese mas na Boneiru.”