Minister Plasterk i promé minister Eman – potrèt di archivo
DEN HAAG – Ta nombra Alfonso Boekhoudt komo Gobernador di Aruba entrante 1 di yanüari 2017. Aruba ta aseptá esaki pasobra e nombramentu ta fiho kaba, i pa “no daña relashonnan den Reino mas tantu ainda’.
Esaki a sali for di un deklarashon konhunto di Hulanda i Aruba, ku a saka awe despues di un enkuentro entre minister Ronald Plasterk (Relashonnan den Reino) i e promé minister arubano Mike Eman.
Aruba tabata furioso tokante e nombramentu pasobra segun Eman e tabata ‘ilegal’. E promé minister a eksihí pa anulá e nombramentu, pero el a asept’é tòg.
Ta bisa ku minister Plasterk a keda sin tene kuenta ku algun kandidato arubano, entre nan minister di Finansa Angel Bermudez. Despues e minister a nominá Boekhoudt. Ministerio di Asuntunan Interior i Relashonnan den Reino (BZK) ta atmití ku nan ta konsiente ku e proseso rònt di e nombramentu di Boekhoudt no a bai ‘masha nèchi’.
E dos partidonan a palabrá ku nan lo no duna mas komentario.
Outor Pieter Hofmann