Foto: Ariën Rasmijn
ORANJESTAD – Westin Hotel na Palm Beach ta bay sera su portanan fin di proximo luna. E operador nobo Riu, cu ya caba tin un hotel banda di e edificio di Westin, lo bay sera y restaura e hotel aki pa un suma di 40 miyon florin.
E 460 trahadornan di Westin a caba di tende cu, apesar cu ley ta proteha nan empleo na prome instante, Riu lo bay ofrece nan un pakete di salida.
Lo bay purba di termina empleo di esnan cu nenga e pakete via otro manera. Trahadornan mes no ta sigur kico nan kier haci y tin di nan cu ta sinti cu gobierno a tuma nan haci y cu e ley laboral cu a wordo institui aña pasa cu intencion pa protehe trahadornan den caso di cambio di doño di empresa, a wordo kita for di caminda.
Autor: Ariën Rasmijn