Alejandro Muyale – foto: Ariën Rasmijn
ORANJESTAD — Mientras cu ta keda negocia cu autoridadnan Venezolano ariba pagonan atrasa, Tiara Air kier yega na un situacion nobo den cual su existensia no tin cu depende mas ariba si e suma aki di 23 miyon dollar ta yega na corto plazo of no.
Esaki Alejandro Muyale ta splica Red Caribense den un entrevista extenso.
Ariën Rasmijn den combersacion cu Alejandro Muyale
E compania di aviacion, cu awor ta den un periodo di surseance y bou maneho di un abogado local, kier logra esaki dor di bula mas pa otro destinacionnan y haya inversionistanan nobo. Si acaso e placa nunca yega for di Venezuela, Tiara Air lo mester bira un compania mas chikito, cu menos vuelo, segun Muyale.
Autor: Ariën Rasmijn