Corina Linssen, Monique Giel-Labad y director Gino Goeloe di WGK – foto: Ariën Rasmijn
ORANJESTAD — Wit Gele Kruis, un instancia local di cuido na Aruba, ta señala cu mas mayornan ta acudi serca nan pa ayudo ariba con pa comunica cu nan yiu ariba topico di sexualidad.
Pasobra mayornan no ta duna educacion sexual na nan yiu of ta hasi esaki na un manera hopi negativo, mas muchanan y adolescentenan ta haya nan mes den problema cu entre otro embarazo hubenil.
Den hopi caso alcohol y droga ta hunga un rol den esaki. Wit Gele Kruis y Tienda di Educacion ta yuda mayornan cu buki ilustrativo y un number gratis y anonimo na unda nan por yama pa haya informacion.
Autor: Ariën Rasmijn