Partisipantenan na kues 1+1=3, grupo 7B – potrèt: Belkis Osepa
KRALENDIJK – Inovashonnan den enseñansa di matemátika ta duna komo resultado ku muchanan di skol na Boneiru pr hasi matemátika mas mihó. Muchanan di Boneiru ta stimulá ora nan hasi matemátika hungando.
Tim di ocho skol ta partisipá e wikènt akin a e kues di matemátika 1+1=3 Lito Telekompentensia’. Mas lat e aña ai lo pasa e kues na televishon ya henter pueblo di Boneiru por wak.
Tantu yùfrou Lientje Janga komo yùfrou Marlin Werleman di skol básiko Kristu Bon Wardador na Nikiboko ta sumamente orguyoso di nan alumnonan den klas. Un grupo di kada klas ta partisipá na e kues. Hasi matemátika hungando ta stimulá e muchanan pa hasi nan sòmnan bon, asina yùfrou Lientje ta bisa. “Nan gusta hasi matemátika den forma di wega pasobra asina nan tar eta otro.”
Mas interes
Yùfrou Marlin ta bisa ku e muchanan a prepará nan mes hopi bon. Nan nivel di matemátika ta krese dia pa dia. “Nan tin mas interes. Nan mes ta buska informashon pa bai dilanti. E tin di aber ku e método. E ta hopi mas atraktivo. E plachinan ta na nan nivel I bukinan ta kolorido. Nan nivel di matemátika a subi despues di tempu.” E inovashonnan den enseñansa na skol Kristu Bon Wardador kaminda a kambia e método di matemátika den unu ku ta pas mihó den e mundu sensorial dje mucha. Asina a pone ku e nivel di matemátika dje muchanan a subi.
Bart Landheer di Fundashon Bon Kousa organisadó dje kues ‘1+1=3’ ts bisa ku a dediká hopi atenshon na kontenido dje kues. A konsultá ku skolnan i a adaptrá e preguntanan na e nivel dje muchanan. “Matemátika ta di sumo importansha pa desaroyo di mucha. Landheer ta konfirmá ku hasi matemátika hungando por oumentá interes dje muchanan den matemátika. “Nos a imbentá diferente kos manera filmashonnan i ilustrashon pa hasi e preguntanan mas atraktivo.”
Outor: Belkis Osepa