Foto: Ariën Rasmijn
ORANJESTAD – Departamento di Salubridad Publico, hunto cu entre otro Stichting ter Bestrijding van Geluidsoverlast a lanta un grupo di trabou pa mira con por baha volumen di musica na evenementonan na un nivel cu no ta daña oido di publico y participantenan.
Particularmente durante paradanan di carnaval e riesgonan pa perdida di oido ta grandi, segun e grupo di trabou.
Un entrevista di Ariën Rasmijn cu Mike Bareño di Stichting ter Bestrijding van Geluidsoverlast
Segun e comision, gruponan di carnaval, bandanan y companianan di sonido mester ta mas consiente y buska maneranan nobo pa mantene volumen den carnaval na un manera cu tambe ta aceptabel pa salud. Gobierno di su banda lo mester cambia legislacion cu na momento aki ta anticua.
Autor: Ariën Rasmijn