Training di biker team -potrèt: Belkis Osepa
KRALENDIJK – Kuerpo di Polis Hulanda Karibense (KPCN) ta determinado pa gana konfiansa di komunidat bonerianu ku empeño di un bike team.
Awe dies empleado di polis i marechaussee ta hasi e èksamen di biker. For di febrüari e bikernan pa dia ta bai kore dos warda èkstra na Boneiru.
Belkis Osepa ta papia ku brigadir Fernando Perigault Monte
Training
Dos senior trainer di e sentro di edukashon di Koninklijke Marechaussee na Apeldoorn a duna e biker training. Segun Mark Temmink e tim ta kla pa kuminsá. Durante di e training kòrtiku nan a train intensivamente. “Mester a adaptá na e kalor si. Tabata leuk pa traha ku un tim di tantu polis lokal i marechaussee. Tur dos tabata riba e mesun nivel. T’asina si ku e koleganan hulandes ta mas kustumá di sinta riba baiskel henter dia.”
Awor ku bike team tambe ta traha tin mas ‘unifòrm blou’ riba kaya. Kuerpo polisial ta aspirá tambe pa haña kontakto mas estrecho ku públiko. Presensia di e bikersteam mester kontribuí na esakii.
Konfiansa
Brigadir Fernando Perigault Monte komo lider di e Bike Team Bonaire ta sigur ku e tim lo pèrkura pa komunidat haña mas konfiansa den polis. “Na Hulanda ta eksaktamente meskos. Den outo bo ta isolá. Den kaya riba baiskel bo ta mas visibel. Hende lo aserká bo mas lihé. Nos ta mas aksesibel i nos ta duna pueblo mas konfiansa.
Outor: Belkis Osepa