Sheila Albertoe di Bos di Hubentut – potrèt: Dick Drayer
WILLEMSTAD – Violensia na skol dia pa dia ta bira un problema mas grandi na Kòrsou. Siman ku a kaba asta a filma un bringamentu na skol i pon’é riba YouTube.
Mayornan i famia di un di e víktimanan a bini skol pa tuma vengansa i a bati seis mucha muhé mal batí.
Dick Drayer tabata na e manifestashon i a traha e reportahe aki
Personal den enseñansa, alumno, i organisashonnan di hubentutu i ayudo a fada. Djamars meinta, uní den Aliansa kontra Abusu di mucha i Violensia Doméstiko, nan a reuni na Maris Stella VSBO pa protestá.
Sero toleransha
Sheila Albertoe di Bos di Hubentut ta kere ku lo no dura muchu promé ku lo drama sanger riba plenchinan di skol na Willemstad. Pa trese un kambio skolnan, pero tambe gobiernu, mester hiba un maneho di sero toleransha. Pero direktor di skol di Maris Stella, Selwyn Balein ta bisa ku e skol so no por. Ta e skol, e bario, polis, ayuda i gobièrnu huntu mester pone man na obra. Ta un apelashon ku el a hasi anteriormente kaba, sin resultado te awe. Ma e no ta pèrdè kurashi. “Nèt awor nos ta èkstra motivá”, asina Ballijn ta bisa.
Outor: Dick Drayer