Archell Thompson | Potrèt: Dick Drayer
WILLEMSTAD – Segun e artista di teatro Archell Thomson bo por dal den duru den e pais friu ei ku, meskos ku entre otro Kòrsou, ta forma parti di Reino Hulandes. Hopi tempu Thompson a hañ’é ta biba di spekulas i cola. E no tabatin plaka pa kome kuminda normal. “Anto bo ta keda haña resibu i mas resibu. Kaba nan ta bin kobra bo i kobra bo mas atrobe te ku nan ta manda deurwaarder pa bo.”
Den “De Naakte Antilliaan” (E Antiano Sunú), un show ku por a mira aña pasá na Kòrsou tambe, Thomson a laga públiko tira un bista riba su hubentut. Un bista ku ta bisa hopi di hóben na Kòrsou, nan edukashon i kon ta para ku nan si nan bai for di kas den direkshpn di Hulanda.
Ku sosten di alkalde Aboutaleb di Rotterdam e show a sali den forma di un buki tambe i por hañ’é kumpra na Kòrsou. Thompson mes a move mas aleu. Siman pasá el a sorpresá e isla ku algun presentashon grátis di su show ‘Makamba Pretu’. Eiden sinku yu di Kòrsou ta konta e historia di nan bida na Hulanda.
Thomson ke alertá su kompatriotanan i e ta hasi esaki ku humor. Tin masha harimentu den su show. Ta manera ‘De Naakte Antilliaan’ ta espesialmente pa laga hulandes oropeo komprondé e relato di un mucha hòmber yu di Kòrsou. Ku ‘Makamba Pretu’ Thomson ta dirigí su mes espesialmente na e hubentut kurasoleño.
Outor: Dick Drayer