Kurátòr Jennifer Smit dilanti Curaçaosch Museum – Potrèt: Dick Drayer
WILLEMSTAD – E eksposishon ‘Exploring the Past to Envisage the Future’ den Curaçaosch Museum ta mustra obra di un gran kantidat di artista konosí i tambe ménos konosí di Kòrsou. E elemento ku ta uni nan ta sklabitut. Historiadó di arte Jennifer Smit a strukturá e eksposishon.
E no ta deskonosí na Kòrsou. Huntu ku Felix de Rooy el a realisá e eksposishon ’Antepasado di Futuro’ na 2010 – un eksposishon retrospektivo di shen aña di arte di Kòrsou. Na 2003 Smit a risibí e premio Cola Debrot pa su kontribushon na arte i kultura na Kòrsou.
Dick Drayer a kana den e museo ku kurátòr Jennifer Smit i a traha e siguiente reportahe
Artista
El a selektá dies artista pa e eksposishon aki. Avantia Damberg, Felix de Rooy, Tirzo Martha, Omar Kuwas, Ailsa Anastatia, Herman van Bergen, Ivanah Suares, Philip Rademaker, Yubi Kirindongo i Tony Monsanto ku a fayesé resientemente. Siman pasá Kirindongo a retirá; e tabata haña ku no tabatin sufisiente espasio pa su obra i el a bai kas bèk kuné.
E exposishon lo t’ei te 18 di mei.