Minister Jeanne-Marie Francisca
WILLEMSTAD – Remigrashon pa Kòrsou no ta solamente un komparashon práktiko di e bentahanan i desbentahanan. Segun e investigashon ‘Ayó òf te aweró?’ di ministerio di Desaroyo Sosial, Labor i Bienestar lo ta bon si gobièrnu di Kòrsou hasi un esfuerso pa remigrante. Pero esaki ta eksihí un bon koperashon ku e remigrante, gobièrnu i komersio.
E investigashon ta parti di e proyekto OMIC (Onderzoek Migratie en Integratie Curaçao), Investigashon di Migrashon i Integrashon Kòrsou) i ta trata di remigrashon di yu di Kòrsou hóben pa Kòrsou. A present’é djaweps meinta na Biblioteka Públiko. Einan públiko por a diskutí ku e minister i e investigadónan.
Na kabamentu Dick Drayer a papia ku minister Jeanne-Marie Francisca
Gana
E investigashon entre otro tabatin komo meta pa haña dato i faktor ku ta hunga un papel den remigrashon. Un konklushon importante tabata ku e gana pa bolbe ta biba seka hopi hende. E problemanan ta sinta espesialmente den e pespektivanan di karera i e kultura laboral.
Outor Dick Drayer