A konmemorá Donald V. Leetch (1921-2014) na e lugá kaminda USS Erie despues di un atake di torpedo aleman a pega kantí kosta di Kòrsou – potrèt: Dick Drayer
WILLEMSTAD – E último militar merikano na bida ainda ku a tabata riba USS Erie a fayesé e luna aki. Donald E. Leetch tabata radiotelegrafista riba e barku di guera ku a haña un atake di torpedo di un supmarino aleman dia 12 di novèmber.
E barku na kandela a pega na kosta kaminda awendia ta Marriott Hotel. Seis òfisir merikano i un marinir a pèrdè nan bida den e atake aki.
Kòrsou i Aruba tabata traha overtime den produkshon di kombustibel pa oroplanu di aliadonan. USS Erie, e tempu ei un barku di guera merikano basta nobo ku 180 tripulante na bordo, nèt pafo di haf di Willemstad a djòin un konvoi ku tabata na kaminda pa Guantanamo Bay na Cuba. Tabata 17.33 or i e zonido di e eksploshon, kousa pa un torpedo aleman U-163, tabata masha duru mes.
Monumento
Kaminda e kapitan a pega USS Erie den un ref na 1942, ayera a tene un seremonia di konmemorashon kòrtiku den presensia di consul merikano James Moore. Allan van der Ree di fundashon Battle Station Blaauw, Force Curaçao 1942 ke pa bini un monumento permanente na e sitio. E monumento ta kla kaba na base di marina na Parera, pero mester warda gobièrnu duna pèrmit pa pon’é na Koredor.
Outor: Dick Drayer
USS Erie despues di e atake kant’i laman kaminda awor tin Marriott Hotel