Norman Evertsz ku su kondekorashon – Potrèt: Belkis Osepa
KRALENDIJK – Norman Evertsz ta masha honrá ku su kondekorashon real Lid in de Orde van Oranje Nassau. Pero si tabata na dje lo no tabatin mester. E ta keda modesto: “Bo man drechi no tin nodi di sa kiko e man robes ta hasi.”
Na okashon di dia di Rei, na Boneiru Norman Evertsz, Ermin Pourier, Sylvio Semeleer i Marela Wanner-Pourier a risibí e kondekorashon Lid in de Orde van Oranje-Nassau.
Belkis Osepa ta papia ku Norman Evertsz
Ounke e ta modesto Evertsz ku orguyo ta bisti e sinta riba su pechu. Entre otro el a hasi hopi pa hubentut di Boneiru. For di 1984 te awe e ta partisipá na e aktividatnan pa Federatie Antilliaanse Jeugdzorg (FAJ).
E tin hubentut na pechu. Ta duel Evertsz ku hubentut djawe no ta haña e edukashon severo di ántes. “Hubentut djawendia falta disiplina. Nan no ta siña yuda nan próhimo. Esaki ta falta di e mayornan i tambe pasobra enseñansa ta laga hopi di desea.”
Klup di motersaikel
E ta kontinuá su trabou di boluntario, mientras ku e ta gosa tambe di un di su hòbinan, esta motosiklismo A menta su hòbi tambe, kaminda komo ko-fundadó di e klup di motersaikel di Boneiru, Bikers Motorcycle, e ta kontribuí na un laso mas estrecho entre Aruba, Boneiru i Kòrsou.
Outor: Belkis Osepa