Janet Henriette den su propio ‘kas nobo’ – potrèt: Dick Drayer
WILLEMSTAD – Aki ocho siman Parada ta sera. Un kas di transishon pa hende muhé ku ta víktima di violensia doméstiko. E Fundashon Kuido Sosial i Rekuperashon, ku ta eksplotá Parada i e úniko kas di ‘no-pone-man-riba-mi’ na Kòrsou ta spera ku ministerio di Asuntunan Sosial lo tuma un desishon rapidamente, pasobra e supsidio for di Hulanda ta kaduká dia promé di yüli.
Janet Henriette (26) tin henteramente otro prekupashon. Via un instansha di ayudo el a bin resultá na Parada. Den su mes palabranan su bida tabata arib’abou.
Dick Drayer a bishitá e hende muhénan di Parada i a traha e siguiente reportahe
Un investigashon di Vrije Universiteit di Amsterdam a establesé ku mitar di tur hende muhé (51 porshento) na Kòrsou di un òf otro manera a haña nan ku violensia doméstiko. E faktornan pa riesgo di violensia doméstiko di mas importante na Kòrsou ta sekso femenino, edat hóben, nivel abou di edukashon i víktima di violensia doméstiko na mucha. Janet ta kumpli ku tur aspekto di e profil aki.
Alida Samson (r) den un di e kambernan di e kas di transishon Parada – potrèt: Dick Drayer
‘Normal’
Alida Samson ta kordina trabou den e kas di no-pone-man-riba-mi i na Parada. E no por kaba di enfatisá kon grandi e problema di violensia doméstiko i seksual kontra hende muhé ta na Kòrsou. “Ántes mi tabata bai skol, Havo. Bo tabata pensa: esaki t’e bida, esaki ta Kòrsou, esaki ta normal. Ma no t’asina. Lástimamente violensia doméstiko ta e stándart riba nos isla.”
Outor: Dick Drayer