Trahe folklóriko riba Dia di Rincon – potrèt: Belkis Osepa
KRALENDIJK – Hóben na Boneiru tin poko konosementu di historia di dia di Rincon. Nan ta asosiá e dia ku kultura di e siudat di mas bieu di Boneiru si, pero mayoria di hóben no sa kiko ke men kultura i kiko ta e idea tras di e fiesta.
Dia 30 di aprel Boneiru a selebrá e di 26 Dia di Rincon. No opstante e kantidat di diskushon riba e isla pasobra por lo pronto e dia no ta un dia liber ofishalmente, e fiesta a estayá tòg. Ku ménos bishitante den dia si, pasobra tabatin hende ku tòg mester a traha.
Mucha muhé
E hobennan ku a kontestá pregunta tabata papia bon kla. Mi no sa nada di historia di Dia di Rincon. Pa nan ta un dia pa kana bai bini den kaya di Rincon, pa hasi fiesta, kome kuminda krioyo i pa bebe. Un mucha muhé di 14 aña a kumpra un bistí nèchi blou pa e bisti e dia ei i Ayrton Cicilia di diestres aña ta bini Dia di Rincon entre otro pa wak e mucha muhénan.
Potrèt: Belkis Osepa
Cicilia por a menta nòmber di Broertje Janga, e persona ku a duna Rincon su propio dia. “Mi gusta Dia di Rincon, ma mi no sa kiko e dia ta nifiká.” E ta bisa ku e no a siña esaki na skol.
Fo’i sla
Jona Chirino-Felida, diputado enkargá ku kultura, ta haña ku hóben mester di mas atenshon di mayor ku mester siña nan un kantidat di aspekto kultural importante. E ta pone énfasis riba paña fo’i sla i komportashon no deseá bou di hóben. Chirino-Felida ta haña ku manera di bisti i komportashon di hóben tambe ta kai bou di kultura.
Outor: Belkis Osepa