Marcha di silensio – potrèt: Dick Drayer
WILLEMSTAD – Un man yen di hende fiel na Helmin Wiels ayera a kana den e marcha di silensio pa konmemorá e polítiko ku a asesiná aña pasá. Banda di organisadó i ruman hòmber Aubert Wiels, Helmin su kasa Betty da Fonte tambe tabata t’ei.
E ta yora pero e ta hopi desapuntá tambe ku a bini asina poko hende. Aña pasá kuater mil hende a bini Mari Pampun, djaluna no tabatin mas ku 60 hende.
Dick Drayer tabata na e marcha di silensio i el a traha e siguiente reportahe
Ruthmilda ta miembro prominente di Un Tim Magno, e grupo ku a separá di Pueblo Soberano. Nan ta haña ku ta un bergwensa ku tantu hende a vota pa Helmin Wiels, pero ku asina poko hende a tuma molèster pa konmemor’é. “Helmin no meresé esaki.”
Aubert Wiels ta mira e divishon i e tiki hendenan ku a presentá komo un konsekuensha típiko di e asesinato riba su ruman: “Ta esaki esnan ku a kometé e asesinato tabata ke.” Segun e esaki ta mas motibu ainda pa kontinuá e lucha ku Helmin a kuminsá.