Belastingontvanger Alfonso Trona | potrèt: Dulce Koopman

Belastingontvanger Alfonso Trona | potrèt: Dulce Koopman

WILLEMSTAD – Te awor pago di e prima nominal di seguro básiko general na Kòrsou ,  a resultá un fiasco.  Ta pesei djaluna  awor, deurwaardernan di Belasting ta pone beslag riba salario di más ku 80 mil hende. Alfonso Trona, Ontvanger di Kòrsou ta bisa ku solamente un parti chikí di e más ku 95 mil aseguradonan ku ta disponé di nan karchi di mediko, a paga e  82 florin.

Na februari 2013 seguro básiko a drenta na vigor. E seguro ta konsisti di diferente aspekto. Entre otro e suidadano mester kumpli ku  e pago nominal. E aseguradonan ku tin obligashon pa paga e 82 florin mester ta mayor di 18 aña I dispone anualmente di un entrada di  por lo menos 12 mil florin.

Un entrevista di Dulce Koopman ku Alfonso Trona.

Segun lei pa 30 di januari di kada aña fiskal, e suidadano mester a paga minimalmente mitar di e prima. Pa 30 di juni di e mesun aña fiskal, mester a paga e di dos parti.

Di e 95 mil aseguradonan ku ta inskribí na SVB, ku ta disponé tambe di nan ‘seguro card’, ta solamente 9500 hende a paga.

E  plaka ku ainda gobiernu mester risibí, ta representá un suma supstansial di parti dje entradanan ku gobièrnu mester haña pa duna e servisio di kuido.

Outor: Dulce Koopman