Trahadónan di Dòk ta protestá na ministerio di minister Palm – potrèt: Dick Drayer
WILLEMSTAD – Trahadó di Dok i empleado temporario di Curacaose Dokmaatschappij (CDM) ayera pa promé be a protestá públikamente kontra gobièrnu. E grupo ta representá un 300 trahadó di dòk ku segun nan mes palabra a eksplotá nan añanan largu.
Tempunan ayá a señalá e abusu pero nunka no a solushon’é. Asina a kita e grupo for di trabou na 1993 i manisé a tuma nan bèk komo trahadó temporario. Asina e trahadónan a pèrdè tur nan kondishonnan laboral sekundario i nan pago a bira dos florin ménos pa ora pa e mésun trabou.
Dick Drayer tabata na e demonstrashon i el a traha e siguiente reportahe
Na 2011 gobièrnu, bou di preshon di pasonan hurídiko, a traha un areglo ku e trahadónan di dòk. A palabra ku lo reservá un suma di mas o ménos shete mion florin pa kompensá e último sinku añanan. A paga un parti di e plaka pero e grupo ainda ta wardando e último parti, un tres mion i mei florin.
Margen limitá
Bosero Otmar Anthony Arroyo ta bisa ku e grupo no ke buska problema, pero ku e minister aktualmente tin un margen limitá di aktua. E akshon djawe segun Arroyo ta djis e kuminsamentu.
Outor: Dick Drayer