Peter van de Mosselaar, kandidato pa e lista nobo ‘Ik Kies voor Eerlijk’ ta vota – potrèt: Extra Boneiru
KRALENDIJK – Na Boneiru solamente 12 porshento di persona ku derecho di voto a bai vota, Inofishalmente ya ta konosí ku e lista ‘IK Kies voor Eerlijk’ (Mi ta Skohe pa Honesto) a haña mayoria di voto.
Na Boneiru 1.349 persona a bai vota di e total di 11.225 persona ku derecho di voto. 1.277 (11.4 porshento) a vota ku voto bálido. Na Hulanda e resultadonan preliminar di kada partido ta konosí pa medio di investigashon, e asina yamá exit polls. Na Boneiru, Saba i Sint Eustatius no a tene exit polls.
Belkis Osepa ta papia ku Irma de Graaf
Konseho Elektoral na Hulanda (sentro elektoral) enfátikamente a rekordá e kuerponan públiko (BES) den un karta ku no por divulgá e resultadonan preliminar na media, ni mes bou di embargo.
Regla
Esaki por sosodé solamente despues ku tur sentro elektoral den e estadonan miembro di Oropa sera. Esei ta djadumingu awor 25 di mei sink’or ora lokal. Presidente suplente di e ofisina supremo elektoral Irma de Graaf ta bisa: “Nos ta tene nos na regla. Nos no por pasa e resultadonan preliminar ke men nos no ta hasi esaki.”
Di e 1.950 hende ku derecho di voto na Statia 145 hende a vota. Esei ta 7,4 porshento di e total. Na Saba 14,2 porshento di esnan ku derecho di voto a vota.
Outor: Belkis Osepa