Sam de la Fuente ta kardiólogo ku ta intervení – potrèt: Dulce Koopman
WILLEMSTAD – Sentro di Kurason di SEHOS a drentando su di dos fase di operashon i ta kasi klá pa kuminsá atraé pashèntnan den eksterior. Na januari 2014, ‘Hartcentrum’ di Kòrsou a habri. Hartcentrum Curaçao ta forma parti di e sekshon di kardiologia di Sint Elisabeth Hospitaal (SEHOS) i ta enfoká riba akohida i tratamentu di pashèntnan ku ta sufri di kurason.
Sentro di Kurason Kòrsou a resultá un alternativa importante pa pashèntnan ku mester biaha pa eksterior pa tratamentu. Ademas e gastunan di gobièrnu pa manda hende afó pa risibi tratamentu pa kurason a baha.
Sam de la Fuente ta papia ku Dulce Koopman
Mas o menos 130 hende a risibí tratamentu na e sentro. Mientrastantu ampliashon dje servisionan por kuminsá. E sentro a wòrdu lantá pa SEHos en koperashon ku Sociale Verzekeringsbank (SVB) i sin fin di lukro. Tin un partnership ku hospital Catharina Ziekenhuis na Eindhoven, Hulanda.
Outor: Dulce Koopman