Patrick Illidge ta yega korte (potrèt di archivo) – potrèt: Today/ Milton Pieters
PHILIPSBURG – Promé minister Mark Rutte no tin rason kompletamente ku e motibu ku el a duna pa no risibí e parlamentario independiente Patrick Illidge. Rutte a ninga di risibí Illidge na un resepshon ku el a ofresé na e delegashonnan di Aruba, Sint Maarten i Kòrsou ku ta partisipá na e Deliberashon di Reino Interparlamentario (IPKO) na Den Haag.
Segun e emisora NOS Rutte ta ninga di risibí Illidge pasobra lo e no a presentá dilanti wes den e kaso ku ta kore kontra di dje pa motibo di soborno. Ta bèrdat si ku Illidge no a presentá dilanti wes, pero su abogado Cor Merkx i e abogado di ko-sospechoso Jaap van den Heuvel no tabata disponibel e dia ei. Korte a laga e sospechosonan sa delantá ku nan no tin nodi di bini.
Illidge ta sospechoso den e asina yamá kaso di soborno Bada Bing. Ta sospech’é di a tuma 150 mil dòler di doño di kas di plaser Jaap van den Heuvel.
Baho mundu
E desishon di Rutte pa no risibí Illidge a pone ku henter e delegashon di IPKO ta legumai e resepshon serka Rutte. E delegashonnan a indiká ku nan no por para Illidge si akaso e ta asina deskabeyá di fòrsa un bishita na Rutte.
Illidge no tabata presente riba e promé dia di IPKO, despues ku e parlamentario di SP Ronald van Raak a anunsiá ku e no ke negoshá “ku baho mundu tokante baho mundu”.
Outor: Hilbert Haar