Èks pelotero profeshonal Dennis Neuman ta hasi deporte ku e muchanan di Tera Korá – potrèt: Dick Drayer
WILLEMSTAD – Si ora bo pasa rotònde di Zegu na kaminda pa Band’abou bo bai buska klup di deporte organisá, bo mester buska hopi bon. E sinku mil muchanan ku ta biba einan tin solamente dos klup di futbòl i unu di sòftball.
“Ta puramente pobresa di deporte, ku ta kuminsá den enseñansa”, Thakaidzwa Doran, èks presidente di Febeko, e bònt di beisbol di Kòrsou, ta bisa. “Na skolnan na Band’Abou no ta duna lès di gimnasia.”
Dick Drayer a bai Tera Kòrá i a traha e siguiente reportahe
Proyekto BOS
Huntu ku èks pelotero profeshonal i picher di e tim di beisbòl di Hulanda Dennis Neuman, Doran a kuminsá ku dos proyekto di deporte na Tera Kòrá. Na Kolegio Annie Koenraad Neuman ta duna lès di deporte bou di bandera di e proyekto di BOS: Buurt Onderwijs Sport (Bario Enseñansa Deporte, trad.) Atardi e èks pelotero ta trein Band’abou Tigers.
Ku e proyektonan aki nos ta duna e muchanan ku yabi na Band’abou les di gimnasia i un manera di pasa nan atardi ku sentido. I e ta sirbi un otro meta tambe: ku deporte nos ta duna nan disiplina, rèspèt i struktura”, Doran ta bisa. Mucha ku yabi ta mucha ku henter dia ta riba nan mes pasobra nan mayornan ta traha. Nan ta sali kas seis or di meinta i nan ta yega kas bèk anochi ora solo a baha kaba. E muchanan tin nan mes yabi di kas i mester mira kiko nan ta hasi te ora ku nan mayornan bini kas bèk. Tin di nan no ta bai skol mes!”
Fundeshi
Ku ‘Akademia di beisbòl Band’abou Tigers’ i e proyekto BOS Doran ta spera di pone e fundeshi pa por ofresé no Tera Kòrá so sino sobra di Band’abou tambe deporte via skol i trabou di bario.
Outor: Dick Drayer