Minister Ronald Plasterk – potrèt: Jamila Baaziz
DEN HAAG – Un quick scan di e presupuesto arubano mester trese un solushon pa e konflikto kontinuo entre Aruba i Hulanda.
Esaki minister Ronald Plasterk di Relashonnan den Reino i promé minister Mark Rutte a laga sa awe den un kontesta riba un di dos seri di pregunta den parlamentu di D66 i CDA.
E quick scan ta un rapòrt entremedio ku ta spera di haña ‘un di e dianan aki’ pa motibu di ‘e situashon urgente na Aruba’, segun e minister. Ta e mésun tim di investigashon mester ehekutá e quick scan ku gobernador di Aruba Fredis Refunjol poko tempu ei a instalá pa e investigashon finansiero. “No ta na bienestar di e proseso si duna mas anunsio tokante di esaki aktualmente”, e minister i e promé minister ta skibi.
Investigashon
E rapòrt final kompleto tokante e presupuesto i plannan di varios aña di Aruba mester ta kla den seis siman. Aki den mester tin klaridat tokante e viabilidat i e konsekuenshanan di e presupuesto rubiano i e plannan di varios aña i e défisitnan eksistente.
Papel di Cft
E papel eksakto di College financieel toezicht (Cft) i e diferensha di opinion ku a surgi entre Aruba i Hulanda tokante nan empeño, Plasterk i Rutte no ke klarifiká aktualmente. Den e kontestanan tin pará si ku nan ta dispuesto di kompartí e komunikashon tokante di esaki konfidenshalmente ku Tweede Kamer.
Raad van State
Lo no pidi Raad van State konseho tokante e tumamentu di desishon rònt di e instrukshon pa Aruba. E eskoho aki mésora despues di e anunsio ta trese málentendementu. Wassila Hachchi (D66) riba Twitter ta duna komo reakshon ku e lo keda purba pa laga esaki tuma lugá. Minister plenipotensiario di Aruba Alfonso Boekhoudt tampoko no ta komprondé e eskoho aki: “Komprobá sí si e presupuesto di Aruba ta faktibel, pero no komprobá si e desishon pa esaki tabata hustifiká? Pakiko mitar solushon?” e ta tweet.
Outor: Jamila Baaziz