E barku kursero Dawn Princess a bishitá Boneiro pa di promé bia | Potrèt: Belkis Osepa
KRALENDIJK – Sektor di turismo na Boneiru tin hopi bentaha si barkunan krusero drenta haf di Playa den temporada di berano. Djarason 30 di yüli e barku krusero Dawn Princess a bishitá Boneiru pa di promé bia. Un otro primisia ta ku pa promé bia ku un barku krusero ta di bishita den temporada di berano. Sektor di turismo a probechá di e bishita di e barku krusero grandi i a hasi bon ganashi.
E barku kursero Dawn Princess ta hasi un gira mundial ku su kasi mil ochoshen pasaheronan i reim ochoshen miembro di tripulashon. Despues di a bishitá Castries, kapital di St. Lucia, e barku a kohe rumbo pa Kralendijk. Despues di e bishita di un dia, Dawn Princess lo sigui rumbo pa Panama i despues Oustralia. Ta trata di un gira mundial di 105 dia.
Ganashi
Taksista Reinaldo Anthony ta aploudí bishita di mas barku krusero durante berano. E a hasi bon ganashi durante e dia di awe. “Nos ekonomia ta floresé. E ta bon pa negoshantenan tambe. Mi deseo mta pa nos haña mas barku krusero den temporada ketu.”
Tambe ofisina di turismo di Boneiru (TCB) ta mira e bentaha di bishita du un barku den temporada ketu durante aña, segun trahado di TCB Helen Thode. El a sinta den e stènt di TCB pa duna informashon. “E pasaheronan a baha e barku i a bin puntra kiko nos isla ta ofresé. Dawn Princess den e temporada aki ta bon pa hende lokal ku ta bende. Barkunan asinaki ta sigui krese ekonomia di Boneiru. E intenshon ta pa sigui buska mas barku bin Boneiru den berano. Nos ta spera ku TCB huntu ku gobièrnu por logra esaki.”
Outor: Belkis Osepa