Seguridat na korte ta severo – potrèt: Anneke Polak
WILLEMSTAD – Den e kaso Magnus defensa di e sospechoso Elvis ‘Monster’ Kuwas mañan lo pidi wes pa deklará Ministerio Públiko (OM) no reseptivo
Esaki abogado Olga Kostrzewski a deklará despues ku e promé seshon a kaba. “Esaki sigur lo ta nos punto di bista mañan. Awe e seshon a bai eksáktamente manera e mester a bai, nos ta satisfecho. Espesialmente nos ker a mustra e vidio i esei a logra.” Ku esaki e abogado ke men e imágennan di vidio di un kombersashon entre fiskal Gerrit Rip i Monster ku a tuma lugá dia 14 di novèmber 2013. Monster ta bisa ku OM a ofres’é un dil, fiskal ta bisa ku bo no por haña nada bèk tokante un dil den e raportahe di e kombersashon aki.
Imágen di vidio
Riba un laptop wes, grefir, e abogado i Monster huntu ta wak un parti di e kombersashon. Durante e kombersashon ei e sospechoso ta indiká ku e no ke tende tur obligashon pa proba. E fiskal ta pèrsisití i ta indiká ku e sospechoso no por keda apelá na su derechi di keda ketu. Na un dado momentu e ta konsehá e sospechoso di kuminsá tuma parti pa su mes i ku si e hasi un a konfeshon, fiskal ta dispuesto di ahustá e demanda.
Fiskal Gert Rip
Retirá deklarashon
Mas lat, durante un deklarashon riba 10 di mart di e aña aki, Monster ta atmití tòg di a kometé e asesinato riba e polítiko Helmin Wiels. Bou di preshon di fiskal, asina Monster ta deklará awor riba promé dia di e trato riba kontenido di e kaso Magnus. P’esei e ta retirá tur su deklarashonnan anterior, e ta ninga ku e tin algu di hasi ku e asesinato i durante sobra di e seshon e ta apelá na su derecho di keda ketu. Wes ta mustra e sospechoso di 37 aña di edat ku tin mas hende ku a deklará ku e mes lo a atmití di ta tras di e asesinato, entre otro ko-sospechoso Dangelo Damascus i dos hende muhé. “Mi tampoko no sa pakiko nan ta bisa asina”, Monster ta bisa indiferentemente.
Bou di kòntròl
Monster ta duna un otro impreshon ku durante e seshon di direkshon na desèmber 2013. E tempu ei e sospechoso tabata mustra nervioso, tabata trose e famianan di e polítiko defuntu ku tabata presente den tribuna públiko wowo malu i tabata keha tokante di e kuminda den prizòn pasobra e tabatin miedu ku lo a venen’é. Awe e supuesto asesino ta mustra trankil, sigur di su mes i ta manera e ke tene tur kos bou di kòntròl durante e seshon. Riba tur echo ku wes trese dilanti sin eksepshon e ta kontestá ku e ta apelá na su derecho di keda ketu. Asina wes ta bisa ku e arma ku poko tempu pasá a haña den Waaigat ‘mui probablemente’ a usa entre otro pa mata Wiels. Ku e mésun arma aki, ku ta falta un pida di e kabu i ku asina por rekonosé, Monster ta pará riba un potrèt ku a saka dia 15 di yanüari 2013.
Kontakto entre e sospechosonan
Despues di su deklarashon negativo e ta haña kontakto visual ku e otro tres sospechosonan ku tambe ta presente na e seshon. Den e banda robes di e sala ta sinta Dangelo Damascus i Carlos Pieter, ku ta bou di sospecho di komplisidat. Na Monster su man drechi ta sinta Burney ‘Nini’ Fonseca, e hòmber ku ta sospechoso di a regla e asesinato. Nini mester hari e imágennan di vidio ku por tende den henter e sala. Ta te djaweps lo skuch’é, Damascus i Pieter ta na turno djárason. E último dosnan aki ta sinta papia den orea di otro durante henter e seshon, loke ta iritá tribuna públiko. “Nan por a kombersá ku otro normalmente manera ta na snèk nan tabata pará, mi a haña esaki straño, nan lenguahe di kurpa tabata ekspresivo”, Aubert Wiels ta bisa ora kaba.
Bida largu
E ruman hòmber di e polítiko ku a fayesé ta bisa ku e sospechosonan ‘no ta bon’. Nan no ta hende mas, nan mester di ayudo.” No opstante e hungá di defensa pa deklará OM no reseptivo e tin konfiansa den un bon kabamentu. “Mi a tende di intersepshon polisial i voicemail, pero OM sigur tin hopi mas informashon, sufisiente prueba pa sera e hendenan aki. Mi ta spera riba kastigu di di bida larga, minimalmente.”
Outor: Anneke Polak