Sospechoso Damascus (man robes) ku ko-sospechoso ‘Monster’ (man drechi). Awe fiskal a mustra e potrèt aki den korte
WILLEMSTAD – Den e kaso Magnus awe Dangelo Damascus i Carlos Pieter tabata pará dilanti wes. Nan ta bou di sospecho di komplisidat na e asesinato di Helmin Wiels.
Segun fiskal Gert Rip tin sufisiente prueba legal ku tur dos ta kómplise na e asesinato. El a pidi sinku aña pa Pieter i binti aña ménos aresto preventivo pa Damascus. Pieter su subrina, su ruman i su komprometida ta den sala i nan ta haña sinku aña muchu hopi ‘pa un hende ku ta inosente’: “ta kiko ta e prueba ku a trese dilanti awe tardi”, nan ta puntra, ‘nos no a tende”.
Bolle
Lo kita e plaka ku Damascus a haña pa su esfuerso fo’i dje. Su kastigu ta basta mas hopi pasobra OM ta konvensé ku dos siman despues di e asesinato riba Wiels e tabata e asesino òf ko-asesino di Raul Martinez, mihó konosí komo Bolle. Esaki probablemente tabata e shafùr den e asesinato riba Wiels, pero despues e mester a muri pasobra esnan ku a duna e orden tabatin miedu ku e lo a bai papia seka polis.
Damascus i Pieter lo a duna e sospechoso prinsipal Elvis Kuwas paña pa kamuflá pa e kometé e asesinato i a pone e numbernan falsu riba e outo ku e asesinonan a usa pa bai Mari Pampun. Despues di e atentado Pieter a yuda laba e outo ku nan a hui aden. Damascus i Pieter tabata sa ku nan tabata koperá na un asesinato pa plaka i lo a haña pago pa nan servisionan.
Prueba forense
Awe tambe fiskal a kuminsá su rekisitorio ku e relato di e atentado. Wiels a kai despues di nuebe òf dies tiru den su kurason i su lomba i a wak e asesino den su kara promé ku el a muri – kasi mésora – di su heridanan. Sobra di su argumentashon tabata konsistí kasi kompletamente di deklarashon di testigu ku ta konfirmá otro, pero prueba forense tabata skars.
Gladys Sophia-Alendy, ku ta hiba e defensa di Damascus, ta reprochá e fiskal den su defensa ku tur kos ku e bisa ta kos ku el a tende papiá i ku hopi di e deklarashonnan ta kontradiktorio òf ku entretantu a retirá nan atrobe. “Unda e jacket ku kapushòn famoso a keda ku Damascus lo a duna Kuwas i unda e maskarada òf e hanskunnan a keda?”, el a puntra.
Falta di komprenshon
Ora wes interogá e sospechosonan nan ta skonde tras di nan abilidat limitá di komprenshon: “Nò, nos no sa nada, nos tabata hunga dominó e dia ei anto di repenté Kuwas i Bolle mester a bai un ratu. Djis despues nan a bini bèk anto nos a tende na radio ku a mata Wiels.” Tur dos ta bisa ku nan no tin nada di hasi ku e asesinato.
Kuwas, asina wes a bisa e sospechosonan, durante e wega di dominó lo a bisa: “Mi mester bai ei bou bai tira un hende.” Damascus ta kontestá: “E pregunta si mi a tend’é bisa esaki ta loke e reshèrshinan ta blo keda kansa mi kuné.”
Fèrdrit
Pieter na fini manera ta kòrda wes ku a asesiná su ruman hòmber tambe i ku ainda no a kue e asesinonan. Ke men e por imaginá e fèrdrit di Wiels su rumannan masha bon mes.
Outor: Jean Mentens