Konsehero Bob Wit i miembro di komishon Rieke Samson-Geerlings – potrèt Today/Hilbert Haar
PHILIPSBURG – A posponé e publikashon di e rapòrt di integridat di Komishon Wit ku un siman. Promé minister Sarah Wescot-Williams ta bisa ku pa motibu di sirkunstansha inesperá no spesifiká gobièrnu ainda no a ratifiká su komentario riba e rapòrt.
Wescot-Williams ta fèrwagt di hasi esaki otro siman djamars i a bisa ku despues di esaki lo saka e rapòrt pa mas lat otro siman djabièrnè, un siman promé ku elekshon.
Konsehero Bob Wit a ofresé Wescot-Williams su rapòrt final na yüli, i Wescot Williams despues mester a publiká e rapòrt, ku komentario di gobièrnu.
Di dos rapòrt
Gobièrnu a instalá komishon Wit despues ku Rijksministerraad aña pasá a duna gobernador Eugene Holiday òrden pa hiba un investigashon independiente di integridat di gobernashon na Sint Maarten. E rapòrt Wit ta pará lòs di e investigashon ku gobernador a konfia PriceWaterhouseCoopers na New York kuné. Pronto ta spera publikashon di e di dos rapòrt aki.
Iregularidatnan
E Komishon Wit a topa ku asuntu ku a pasa pa Ministerio Públiko (OM) pa investigashon mas aleu. Mientras tantu ku e rapòrt no ta públiko OM no ta bisa nada tokante e tipo di iregularidatnan ku a denunsiá.
Outor: Hilbert Haar