Lider di frakshon di AVP René Herdé – potrèt Ariën Rasmijn

Lider di frakshon di AVP René Herdé – potrèt Ariën Rasmijn

PHILIPSBURG – E enkuentro tripartite ku a konvoká den purá entre e representantenan di parlamentonan di Aruba, Kòrsou i Sint Maarten a produsí e sosten deseá. Tantu presidente di Staten Mike Franco di Kòrsou komo Sint Maarten su presidente di e komishon di Asuntunan di Reino i Relashonnan Interparlamentario Roy Marlin, ta haña ku e paisnan karibense mester sostené otro.

 
Lider di frakshon di AVP René Herdé a insistí den tur parlamento pa aseptá un moshon ku ta pidi pa lanta un instituto independiente pa resolvé disputa entre paisnan den reino.

 
Segun Marlin Rijksministerraad ta imponé medida riba e paisnan sin tene kuenta ku e diferente areglonan di estado. “Dos luna pasá Aruba tabata na bùrt, aña pasá tabata Sint Maarten”, e presidente ta bisa. “Si nos no resistí huntu, mas i mas nan lo hasi doño.”

 
Instituto independiente
E enkuentro no tabata trata di loke Aruba a pasa aden ku e ningamentu di gobernador pa firma e presupuesto i e akshonnan di Rijksministerraad ku a sigui. “Ta trata di fundashon di un instituto independiente pa resolvé konflikto. Aktualmente ta Rijksministerrraad so nos por bai i ta nèt ku nan nos tin un diferensha di opinion”, Marlin ta bisa.

 
Herdé i Marlin tabata papia ingles, mientras ku Marisol Tromp (Aruba) i Elmer Wilsoe (Kòrsou) a papia nan kontribushon na papiamentu, loke parti di e públiko no por a komprondé.

 
MEP ousente
Aruba su partido di oposishon MEP tabata ousente. Lider di frakshon Evelyn Wever-Croes ta sospecha gobièrnu di un maniobra pa despistá, ku intenshon di saka nan kurpa for di un investigashon di presupuesto na man di College financieel toezicht (Cft).

 
Outor: Hilbert Haar