PHILIPSBURG – E presidentenan di e parlamentonan di Aruba, Kòrsou i Sint Maarten i e komishonnan pa Asuntunan Interno i Relashonnan den Reino awe meinta a firma dos resolushon. E resolushon di mas importante ta pa lanta un instituto independiente pa resolvé konflikto tokante e Statüt di reino.
Un di dos resolushon ta urgi e tres paisnan karibense pa pidi Raad van State konseho tokante e instrukshon ku Rijksministerraad sèptèmber di aña pasá a duna gobernador di Sint Maarten. Mester buska konseho tambe tokante e òrdu ku a duna gobernador Fredis Refunjol di Aruba.
Remarkabel
Ta remarkabel ku e instrukshon na Sint Maarten ta pará den e resolushon pasobra gobièrnu aña pasá kaba a risibí un reakshon di Raad van State. E Raad a bisa Sint Maarten ku e lo no mete den e asuntu pasobra e ora ei lo e por resulta posibelmente envolví den un konflikto entre Rijksministerraad i un di e paisnan den reino.
Puntonan komun
“Nos no a bini aki pa pidi otro pais mete den nos asuntunan interior”, René Herdé, presidente di e komishon pa Asuntunan Interior i Relashonnan den Reino di Aruba a bisa. Nos a bini pa palabra punto i pa lanta un instituto independiente pa resolvé konflikto. Niun gobièrnu no por hunga wes riba su propio aktuashon.”
Outor: Hilbert Haar