Sarah Wescot-Williams

Sarah Wescot-Williams

PHILIPSBURG – E rapòrt di integridat di Komishon Wit ayera a lèk pa medionan di komunikashon lokal den un email di kua aña pasá a usa e IP-adrès pa e emailnan di e (e tempu ei) presidente di frakshon interino di Verenigde Volkspartij, Sylvia Olivacce-Meijers. Esun ku a manda e email enfátikamente ta mustra riba e fayamentu di promé minister Sarah Wescot-Williams.

 
Wescot-Williams miéntras ku e tabata minister for di 10-10-10 lo no a entrega deklarashon por eskrito tokante su kapital i su aktividatnan sekundario. Esaki ta mandatorio a base di e Landsverordening promoshon integridat di minister. Riba infrakshon tin un sentensia di prizòn di un máksimo di tres aña.

 
E rapòrt ta mustra ku niun minister ku tabata pertenesé na e promé dos gabinetenan – Verenigde Volkspartij (UP), Democratische Partij (DP) i Nationale Alliantie (NA) – a entregá e deklarashon aki.

 
Kuarenta rekomendashon
E rapòrt Wit ku a lèk tin ochenta página i kuarenta rekomendashon pero ainda falta komentario di gobièrnu riba e kontenido. E komishon entre otro ta proponé pa kanselá Corporate Governance Council i remplas’é ku un ‘Integriteit Kamer’. E rapòrt ta ekstremamente krítiko riba parlamento. Lo mester bini registrashon públiko di donashonnan i aktividatnan sekundario. Lo mester regla den lei ku membresia di parlamento ta un trabou fulltime. Si e ta un trabou parttime mester adaptá e pago.

 
Manual
Segun e komishon mester bini un manual pa parlamentario ku ta kuminsá, segun e ehèmpel di e Blauwe Boek na Hulanda. Siman pasá Wescot-Williams a bisa ku e rapòrt di integridat, inkluso e komentario di gobièrnu, pa mas lat lo sali den publisidat djabièrnè.

 
Outor: Hilbert Haar