Kasnan pa pueblo pa Wechi – potrèt: Dulce Koopman
WILLEMSTAD- Inisio di konstrukshon di e kasnan pa pueblo pa Wechi, despues di a warda 24 ana, ta nifiká garantia di trabou pa personal di Fundashon Kas Popular. Ta pesei, presidente di e sindikato SEBI, Richinel Ilario, ta hopi kontentu ku e siman aki porfin a kuminsa ofisialmente ku infrastruktura pa e mas o ménos 4 mil kasnan ku lo tin na Wechi, na final dje proyekto ku lo dura 15 aña.
E siman aki e asina yamá ‘groundbreaking’ pa e infrastruktura na Wechi a kuminsá, loke tabata motibu di hopi alegria pa gobièrnu, Fundashon Kas Popular i tambe personal i instanshanan ku ta envolví den e proyekto.
Dulce Koopman tabata na e ‘groundbraking’ i ela kombersa ku presidente di sindikato SEBI
E proyekto di Wechi ta perkurá pa kontinuidat pa varios sektor den nos komunidat, Ilario a splika. E trahadónan di FKP tambe tin hopi benifisio ku e mega proyekto di Wechi. Ilario a menshoná ku SEBI a hiba varios akshon pa realisá e proyekto i ta kontentu ku gobièrnu a pone seis mion florin disponibel pa konkretisá e proyekto.
Outor Dulce Koopman