Percy Pinedo - potrèt: Dulce Koopman

Percy Pinedo – potrèt: Dulce Koopman

WILLEMSTAD – E interes lokal i internashonal pa e promé homenahe extraordinario ku un artista lokal ta haña e siman aki na Kòrsou organisá pa Fundashon Bon Intenshon, ya kaba a surpasá espektativanan di e organisadó.

 
Miéntras ta falta apénas algun dia pa Rignald Recordino ‘Doble R’, un dje kompositornan mas talentoso risbi su tributo, ta parse ku ta reina un ‘Doble R Fever’. Radio emisoranan den e dianan aki tin programanan speshal di Doble R i ta toka su piesanan. Tur kaminda hendenan ta papia dje espektákulo grandi aki.

Percy Pinedo den kombersashon ku Dulce Koopman ta splika kiko t’ei pasa e siman aki na Kòrsou

E hendenan ku no a haña karchi pa asistí na e homenahe ku Metropole Orkest di Hulanda, por eksperenshá e tributo riba un screen grandi ku ta situá riba Brion Plein. Esaki lo ta posibel tambe na Museo di Korsou, kaminda despues dje homenahe tin un ‘After Party’ pa e ilustre kompositor Rignald Recordino.

 
Outor Dulce Koopman