Lider di UP Theo Heyliger den kampaña – potrèt: UP
PHILIPSBURG – Korte na Sint Maarten a deklará Ministerio Públiko (OM) no reseptivo den persekushon di sinku sospechoso den e kaso di froude di vota di sèptèmber 2010.
Wes Koen Luijks ta bisa ku OM a duna impreshon di hustisia di klase ora nan a pèrsiguí e bendedónan di voto sí, i tambe un representante di Verenigde Volkspartij (UP), pero a keda sin investigá e papel ku e partido aki i su lider Theo Heyliger a hunga.
Bou di e sinku sospechosonan tin u polis ku a fayesé na yüni. E otro kuater sospechosonan tabata den korte durante e sentensia.
Tres mion
Wes Luijks den su konsiderashonnan ta bisa ku OM a haña tur tempu di mundu pa investigá e papel di Heyliger i UP i ku tabatin sufisiente indikashon pa hustifiká e investigashon aki. Segun informashon di Criminele Inlichtingen Eenheid (Unidat di Informashon Kriminal, trad.) na 2010 Heyliger a hinka tres mion dòler di su propio fondonan den e kaha di elekshon di UP.
Inkomprendibel
“No a hasi niun esfuerso pa investigá e papel aki”, asina tin pará den e veredikto. Korte ta bisa ku ta “inkomprendibel” ku nunka Landsrecherche no a interogá Heyliger i ta bisa ku desishonnan di OM ta kontra e prinsipio di igualdat i e prohibishon di arbitrariedat.
Kulpabel
Pa korte ta sigur ku e sospechosonan ta kulpabel di froude di vota. “No reseptividat ta ofresé un mihó garantia riba eksterminashon di froude di vota den futuro. Ku esaki partidonan polítiko por ta sigur ku OM lo hiba un investigashon penal si tòg kumpra voto”, segun e sentensia.
Outor: Hilbert Haar