Eks studiantenan durante seshon informativo di DUO | Potrèt:  Jose Manuel Dias

Eks studiantenan durante seshon informativo di DUO – potrèt: Jose Manuel Dias

WILLEMSTAD – Durante e próksimo lunanan mas o ménos tres mil eks studiante ku tin debe di estudio atrasá lo bai haña un proposishon di Dienst Uitvoering Onderwijs (DUO) pa un areglo di pago nobo. E proposishon ta enserá ku ta eliminá intervenshon di ‘deurwaarder’ i kada eks studiante ta paga su debe bèk na DUO segun su forsa finansiero.

 
E akshon di DUO aki a bini despues ku atrabes di Marilyn Alcalá-Wallé Foundation a bira konosí ku tin hopi kaso di eks studiantenan ku ta den problemenan finansiero grave i ku no por paga nan debe bèk. Mirando e gravedat di e asunto DUO konhuntamente ku e ministerionan di enseñansa di Hulanda i Kòrsou a disidí di organisá tres anochi informativo den kual a presentá un areglo di pago.

 
Representante di DUO, Erika Hollander, ta enfatisá: “Pa por hasi uso di e areglo di pago e eks studiantenan mester laga hasi un asina yamá ‘draagkrachtmeting’ kaminda abase di nan entrada ta determiná nan forsa finansiero”.

José Manuel Dias a prepará e siguiente reportahe