Drèmpelnan balorá na un mion florin pará pornada riba tereno di DOW

Drèmpelnan balorá na un mion florin pará pornada riba tereno di DOW

WILLEMSTAD – E investigashon ku Stichting Overheidsaccountantsbureau (SOAB) a hasi den e kaso di kumpramentu di drèmpelnan ta kla pero awor mester warda riba e parti hurídiko pa por aktua kontra di esnan responsabel. Minister Earl Balborda enkargá ku infrastruktura ta kalkulá ku esaki lo por keda konkluí promé ku fin di aña.

Ta trata aki di un kantidat di mas ku 500 drèmpel di rùber balorá na un mion florin, ku a keda kumprá i instalá sin un destaho públiko i sin ku tabatin un nesesidat real pa pone asina tantu drèmpel. Despues di a tuma nota di e fayo, minister Balborda a laga kita mayoria di e drèmpelnan i a pone esakinan riba tereno di Obranan Públiko (DOW) kaminda aktualmente no tin uso pa nan.

A kita drèmpel dilanti di skolnan
Remarkabel ta ku den sierto bario a kita drèmpelnan ku tabatin dilanti di skolnan loke ta ta trese seguridat di alumnonan na peliger. Segun parlamentario Charles Cooper di partido MAN esaki ta kontra di e palabrashonnan hasí i ta eksigí pa pone e drèmpelnan aki bèk riba kosto di e kontratistanan.

Un reportahe di José Manuel Dias